Moira on dealing with her online bashers

Isa si Moira Dela Torre sa mga gumagawa ng pangalan at patuloy na sumisikat ngayon hindi lamang dahil sa husay nya sa pagkanta kundi pati na rin sa pagiging matapang at matatag nya sa kabila ng lahat ng pagsubok na kinaharap niya. At kabilang na rin sa pagsikat nya at pag-usbong ng kanyang mga taga-hanga ay ang hindi maiiwasang mga bashers niya, lalo na nang siya ay nabilang sa mga hurado ng “Idol Philippines” kasama sina James Reid, Vice Ganda at Regine Velasquez.

Maraming mga kritisismo siyang natatanggap mula sa iba’t ibang mga tao na kung saan karamihan sa kanilang mga nasasabi ay “kawalan ng ganang mag judge ni Moira o kaya’y hindi marunong mag-judge”. Matatandaang sa latest na interview kay Moira ng Rated K, inamin ng dalaga na matagal tagal rin siyang naging depress at nagsuffer dahil hindi sya sanay na nababash ng tao at nakatatanggap ng masasakit na salita.

Gayumpaman, kahit na masakit at sunod sunod ang kanyang naging suliranin, kaysa siya’y magmukmok at mag-isip, ginawa niyang kawili-wili ang laban nyang ito. Tuwing siya’y makakareceive ng message mula sa isang basher, ang kanya na lamang itong nirereplyan ng lyrics ng kanta.

Ayon sa interview ng Push sa kanya, sinabi ng dalaga na “Before, kapag may nakikita akong bashing, sobrang naaapektuhan ako. Pero ngayon, nirereplyan ko na lang ng lyrics ng kanta ko, baka may pinagdadaanan ‘to [or] may emptiness na nararamdaman.”.

Kasama rin na binanggit ni Moira sa interview kung gaano kalaki ang naging tulong ng kanyang asawang si Jason Marvin lalo na nung mga panahong nagsisimula pa lamang ang pangbabash sa kanya.

“At one point naging unstable ako, na feeling ko lahat was out to get me. And my anxiety ako nalahat is ganging up on me, especially nung nag-start yung bashing,” dagdag pa ni Moira.

Sa kabila ng lahat ng kanyang pinagdaraanan ay nanatiling bukas ang pang unawa at pagmamahal ng asawa at hindi nakalimutan ang pagiging tapat ng asawa lalo na sa Diyos. “Ginamit talaga siya ni God to really battle the lies in my head. And then now, pinakita nya sa akin na we all have to give chance to others  the benefit of the doubt.”